Vriten 13 palestinezë në sulmet izraelite në Gaza

Të paktën 13 palestinezë, përfshirë fëmijë dhe gra, u vranë në sulmet e ushtrisë izraelite ndaj shtëpisë së familjes Nebhan në kampin e refugjatëve Jabalia që ndodhet në veri të Rripit të Gazës, raporton Anadolu.

Trupat e atyre që u vranë u morën nga spitali Al-Ahli (Baptist) në qytetin e Gazës për t'u varrosur nga të afërmit e tyre.

Palestinezët që humbën të afërmit e tyre përjetuan pikëllim.

Pas armëpushimit që hyri në fuqi më 19 janar në Rripin e Gazës, ushtria izraelite rifilloi sulmet e saj të dhunshme mëngjesin e 18 marsit.

Që kur ushtria izraelite rifilloi sulmet e saj, 3.340 palestinezë, kryesisht të moshuar, gra dhe fëmijë, janë vrarë ndërsa 9.357 të tjerë janë plagosur.

Numri i palestinezëve të vrarë në sulmet e Izraelit në Rripin e Gazës që nga 7 tetori 2023 është rritur në 53.475 ndërsa numri i të plagosurve në 121.398.