Volkswagen ua heq bonuset menaxherëve

BERLIN (AA) - Kompania gjermane Volkswagen (VW) deklaroi të mërkurën se do t'ua heqë bonuset menaxherëve drejtues të kompanisë pas skandalit në lidhje me manipulimet me testimin e gazrave nga motorët e makinave, raporton Anadolu Agency (AA).

Në deklaratën e VW-së theksohet se menaxherët janë pajtuar se kompania duhet të dërgojë paralajmërim në lidhje me pagat e Bordit drejtues në përputhje me gjendjen aktuale.

Kompania ka shtuar se ata janë duke shqyrtuar mundësi të ndryshme, por që rezultatet e këtij vendimi do të jenë reduktime të ndjeshme të pagave variabile.