"Varianti Omicron ka qenë i pranishëm në Evropë më herët se sa mendohej"

Edhe pse varianti Omicron i koronavirusit të ri (COVID-19), i cili u njoftua se është zbuluar më 25 nëntor në jug të Afrikës, ndërsa u zbulua edhe në Belgjikë një ditë më vonë duke u regjistruar si rasti i parë në Evropë, rezultoi të ketë qenë i pranishëm në vend disa javë më parë, transmeton Anadolu Agency (AA).

Sipas gazetave të rajonit flaman në Belgjikë, duke cituar Agjencisë Flamane të Shëndëtësisë, në rajonin Flandrës Lindore para disa javësh një i ri i prekur me COVID-19 ka qenë me variantin Omicron.

Agjencia konfirmoi se pacienti është anëtar i ekipit të vaterpolos që ka marrë pjesë në një ndeshje në qytetin Brno të Çekisë në mesin e muajit nëntor të vitit 2021 dhe se është student i shkollës Melle.

Kështu mësohet se varianti në fjalë në Evropë ka mbërritur shumë më herët se sa mendohej.

Varianti Omicron, i cili u raportua se ishte zbuluar në Afrikën e Jugut dhe Botsvana më 25 nëntor, u njoftua se kishte arritur në Evropë pasi ishte zbuluar në Belgjikë të nesërmen.

Sipas lajmeve në mediat lokale, pacienti ishte një grua e rritur e pavaksinuar, simptomat e së cilës filluan 11 ditë pas udhëtimit nga Egjipti nëpërmjet Turqisë në Belgjikë, dhe se nuk ka pasur lidhje me pjesën jugore të Afrikës.

Britania dhe vendet e BE-së, duke filluar nga 25 nëntori ndaluan fluturimet nga vendet jugore të Afrikës, ku "ishte zbuluar varianti Omicron".

Të dhënat zyrtare tregojnë se në Belgjikë gjenden nëntë raste me Omicron.