Gökhan Çeliker
17 dhjetor 2024•Përditësim: 18 dhjetor 2024
GÖKHAN ÇELİKER
Kryeqyteti i Maltës, Valletta, edhe pse i vogël tërheq vëmendjen me bukuritë e saj historike dhe natyrore, raporton Anadolu.
Malta, një nga vendet më me rëndësi gjeografike të Evropës, u bë anëtare e Bashkimit Evropian (BE) në vitin 2004.
Kryeqyteti i Maltës, Valletta, me një histori prej shekullit të 16-të u themelua në vitin 1566 nga Kalorësit e Shën John. Qyteti mori emrin e tij nga udhëheqësi i kalorësve, Jean Parisot de Valette.
Valletta, qyteti më i madh i vendit, i cili u përfshi në Listën e Trashëgimisë Botërore të UNESCO-s në vitin 1980 me pasuritë e tij historike dhe kulturore, shquhet si një nga destinacionet e rëndësishme turistike në Evropë.
Qyteti ku jetojnë rreth 8 mijë persona, ofron detin, ndërtesat historike dhe zonat e gjelbra në një vend. Qyteti i hap dyert për më shumë njerëz sesa popullsia që ka, me fluksin e turistëve, studentëve të huaj dhe biznesmenëve.
Qyteti, rrugët e të cilit hapen drejt detit, u ofron vizitorëve të tij mundësinë për të zbuluar shembuj të arkitekturës evropiane, arabe dhe afrikane.
- Ndërtesat e famshme të qytetit
Kopshtet e Barakka-s së Epërme, njihen si një nga vendet më të famshme në Valletta me atmosferën e tij të gjelbër. Ky kopsht, i cili është një vend i rëndësishëm për të shijuar pamjen e qytetit, u ofron vizitorëve të tij pamje nga porti i Valletta-s.
Nga kopshtet mund të shihen edhe qytetet Vittoriosa, Senglea dhe Cospicua që gjenden përballë Valletta-s. Aty gjenden edhe statujat e personave të rëndësishëm. Bateria përshëndetëse, e vendosur pranë kopshtit, është gjithashtu e rëndësishme përsa i përket mbrojtjes dhe historisë ushtarake të qytetit.
Kisha Katolike e St. Catherine është një nga vendet që duhet vizituar për të kuptuar kujtesën fetare të qytetit. Shumica e popullsisë së Maltës janë të krishterë katolikë. Kisha, e cila u ndërtua gjatë krijimit të qytetit në vend, ka një stil arkitekturor barok.
Pallati Castille tërheq vëmendjen me rëndësinë e tij të madhe politike si dhe me historinë. Pallati aktualisht përdoret si Zyra e Kryeministrit të Maltës.
Memoriali i dëshmorëve turq, i ndërtuar në lagjen Marsa afër Valletta-s në vitin 1874 me udhëzimet e Sulltanit osman Abdülaziz, vizitohet gjithashtu nga turqit që vijnë në qytet.
