Ushtria irakiane planifikon reduktimin e varësisë ndaj SHBA-ve
"Ushtria irakiane për të zgjeruar inventarin e armëve planifikon të drejtohet kah Rusia, Kina, Japonia dhe Koreja e Jugut. Ajo që synohet këtu është që armatosja mos t'i lihet në monopol të një vendi"
Bagdad
Ushtria irakiane për t'u shpëtuar nga varësia ndaj Shteteve të Bashkuara të Amerikës (SHBA) dhe për të zgjeruar inventarin e armëve, planifikon të marrë armë nga Rusia, Kina, Japonia dhe Koreja e Jugut, transmeton Anadolu Agency (AA).
"Ushtria irakiane për të zgjeruar inventarin e armëve planifikon të drejtohet kah Rusia, Kina, Japonia dhe Koreja e Jugut. Ajo që synohet këtu është që armatosja mos t'i lihet në monopol të një vendi", tha Muhammed Riza, kreu i Komisionit parlamentar irakian për Siguri dhe Mbrojtje, në deklaratën për gazetën zyrtare të Irakut, Es-Sabah.
Ai theksoi se shumica e armëve në inventarin e ushtrisë janë me origjinë nga SHBA. "Por blerja e armëve të reja nga SHBA-të mund të zgjasë me vite. Nga ana tjetër, SHBA nuk lejon që ekspertët dhe inxhinierët irakian të marrin pjesë veçanërisht në stërvitjet e tankeve", theksoi ai.
SHBA pas pushtimit të Irakut në vitin 2003, gati gjithë ushtrinë e vendit e pajisi me armët e veta. Përveç armëve amerikane, ushtria irakiane posedon armë edhe nga Rusia dhe Koreja e Jugut.
Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.