Ugandë, për herë të parë hapet "llogaria bankare hallall"

Finance Trust Bank, që operon në Ugandë, lançoi "llogarinë e saj bankare hallall" për herë të parë në vend, transmeton Anadolu Agency (AA).

Shefi i zhvillimit të biznesit në bankë, Percy Lubega ka bërë të ditur se kanë hapur një "llogari bankare hallall".

Duke deklaruar se me hapin e ndërmarrë, muslimanët në vend do të mund të marrin kredi nga banka pa kamatë, Lubega kujtoi se në Ugandë për herë të parë u hap një llogari bankare në përputhje me rregullat islame.

Biznesmeni nga Uganda, Hahh Karim Kallisa, në vlerësimin e tij për këtë temë, tërhoqi vëmendjen se llogaria hallall është një hap i dobishëm jo vetëm për muslimanët, por për mbarë njerëzimin.