Trump thotë se ka zhvilluar telefonatë "produktive" me Putinin: "Jemi dakord të ndalojmë vdekjet në luftën Rusi-Ukrainë"

Presidenti amerikan Donald Trump tha sot se ka zhvilluar një bisedë “të gjatë dhe shumë produktive” me homologun e tij rus, Vladimir Putin, transmeton Anadolu.

“Ne diskutuam për Ukrainën, Lindjen e Mesme, energjinë, inteligjencën artificiale, fuqinë e dollarit dhe tema të tjera”, tha Trump në Truth Social.

Ai tha se kanë folur për pikat e forta të kombeve të tyre dhe “përfitimin e madh” që një ditë nga bashkëpunimi.

“Por së pari, siç u pajtuam të dy, ne duam të ndalojmë miliona vdekje që po ndodhin në Luftën Rusi-Ukrainë. Presidenti Putin madje përdori moton time shumë të fortë të fushatës: ‘Sensi i përbashkët’. Ne të dy besojmë shumë në të”, tha Trump.

“Ramë dakord të punojmë së bashku, shumë ngushtë, duke përfshirë vizitën e vendeve të njëri-tjetrit. Ne kemi rënë gjithashtu dakord që ekipet tona përkatëse të fillojnë menjëherë negociatat dhe do të fillojmë duke telefonuar presidentin Zelensky të Ukrainës, për ta informuar atë për bisedën, diçka që unë do të bëj tani”, shtoi ai.