Shtyhet fillimi i punës së Komisionit të ri Evropian

Për shkak të refuzimit të Parlamentit Evropian të tre komisionerëve të rinj, Komisioni Evropian do të fillojë me punë më vonë, me siguri duke shtyrë datën e fillimit nga 1 nëntori në muajin dhjetor, raporton Anadolu Agency (AA).

Eurodeputetët nuk do të votojnë për komisionerët e rinj këtë javë në Strasbourg, por pritet të votojnë gjatë Asamblesë së ardhshme të Përgjithshme, të caktuar për në fund të muajit nëntor.

Vonesa nënkupton se Presidenti i Komisionit Evropian, Jean-Claude Juncker, do të ushtrojë funksionin për të paktën një muaj më shumë se sa pritej.

Kur të fillojë me punë komisioni i ri, presidentja e zgjedhur Ursula von der Leyen do të zëvendësojë Juncker-in.