Shtetet arabe urojnë presidentin e ri amerikan Biden
Kuvajti, Katari dhe Palestina uruan presidentin e ri Biden, duke shprehur shpresë për forcim të bashkëpunimit
Doha
Kuvajti, Katari dhe Palestina uruan presidentin e ri të SHBA-së Joe Biden me rastin e inaugurimit të tij, transmeton Anadolu Agency (AA).
Në një mesazh, emiri i Kuvajtit, Nawaf al-Ahmad al-Jaber al-Sabah, përgëzoi Biden-in dhe përshëndeti marrëdhëniet dypalëshe midis dy vendeve.
Al-Sabah tha se ai pret të forcojë lidhjet e miqësisë dhe bashkëpunimin midis dy vendeve.
Emiri i Katarit, Tamim bin Hamad Al Thani, gjithashtu i dërgoi një mesazh urimi Biden-it, duke i uruar atij sukses. Ai gjithashtu uroi zhvillim të mëtejshëm dhe rritje të miqësisë dhe bashkëpunim strategjik midis dy vendeve.
Presidenti palestinez Mahmoud Abbas përgëzoi Biden-in dhe nënpresidenten Kamala Harris, duke u uruar atyre sukses në "përballjen me sfidat kryesore".
Në një deklaratë të transmetuar nga agjencia zyrtare e lajmeve Wafa, Abbas ka thënë se shpresojnë të punojnë “së bashku për paqen dhe stabilitetin në rajon dhe botë”.
Ai shprehu gatishmërinë e tij për një proces paqësor gjithëpërfshirës dhe të drejtë.
Sot gjatë ditës, Biden u betua zyrtarisht si presidenti i 46-të i SHBA-së.
Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
