Shpërthim në Afganistan, 8 të vdekur

Tetë persona kanë humbur jetën si pasojë e një shpërthimi të një bombe të vendosur në rrugë në perëndim të Afganistanit, raporton Anadolu Agency (AA).

Gjashtë civilë dhe dy pjesëtarë të sigurisë kanë pësuar si rezultat i shpërthimit të bombës së vendosur në cep të rrugës në distriktin Anar Dara në provincën perëndimore Farah, njoftoi zëdhënësi i policisë Muhibbullah Muhib.

Muhib pohoi se mjeti shpërthyes është vendosur nga militantët talebanë.

Ndërkaq, talebanët ende nuk e kanë komentuar ngjarjen.