SHBA ua heq ndalesën për udhëtim Evropës, Britanisë dhe Brazilit
Në të njëjtën ditë kur u hoq ndalimi, SHBA njoftoi se do të fillojnë të kërkojnë nga të gjithë ata që udhëtojnë drejt SHBA-së në fluturimet ndërkombëtare të kenë teste negative në COVID-19
Washington
Presidenti amerikan Donald Trump hoqi kufizimet e udhëtimit shkaku i koronavirusit të ri (COVID-19) për udhëtarët nga zona Schengen, Britania e Madhe, Irlanda dhe Brazili, vendim që hyn në fuqi më 26 janar, transmeton Anadolu Agency (AA).
Në dokumentin e lëshuar nga Shtëpia e Bardhë dy ditë para se Trump të largohet nga rezidenca presidenciale, presidenti në largim tha që hyrja e pakufizuar nga këto vende "nuk është e dëmshme më" për interesat e SHBA-së.
Trump tha se SHBA do të vazhdojë ndalimin e udhëtimit për Kinën dhe Iranin.
Ndalesa për zonën Schengen, Britaninë e madhe dhe Irlandën filloi të zbatohet nga marsi i vitit të kaluar, ndërsa ndalesa për Brazilin u zbatua nga muaji maj.
Në të njëjtën ditë kur u hoq ndalimi, SHBA njoftoi se do të fillojnë të kërkojnë nga të gjithë ata që udhëtojnë drejt SHBA-së në fluturimet ndërkombëtare të kenë teste negative në COVID-19.