SHBA raporton 698 vdekje të reja nga COVID-19

SHBA gjatë 24 orëve të fundit ka raportuar 698 vdekje të tjera nga koronavirusi i ri (COVID-19), duke e çuar në 137.418 numrin e përgjithshëm të vdekjeve nga ky virus në vend, transmeton Anadolu Agency (AA).

SHBA mbetet vendi më i prekur nga koronavirusi në botë.

Të dhënat nga faqja e internetit Worldometer, e cila merret me grumbullimin e të dhënave lidhur me pandeminë COVID-19, tregojnë se numri i rasteve të kofirmuara me koronavirus në SHBA është rritur në 3.357.206, me 63.674 raste të reja të zbuluara gjatë ditës së fundit.

Për sa i përket numrit të rasteve, SHBA ndiqet nga Brazili me 1.842.127 raste të konfirmuara, India me 856.062 raste të konfirmuara dhe Rusia me 727.162 raste të konfirmuara.

Që nga shpërthimi i pandemisë në SHBA janë kryer mbi 41,7 milionë teste të dyshuara për COVID-19, ndërsa numri i pacientëve të shëruar nga ky virus është rreth 1.5 milionë.