SHBA, protestuesit bllokojnë hyrjen në objektin e ICE-s në Newark pas arratisjes së migrantëve

SHKUP (AA) - Në Newark të SHBA-së protestuesit bllokuan hyrjen dhe daljen e automjeteve nga objekti i Zyrës së Imigracionit dhe Doganave (ICE) në Delaney Hall pas arratisjes së raportuar të katër migrantëve, raporton Anadolu.

Demonstruesit u mblodhën për të shprehur kundërshtimin ndaj politikave të paraburgimit dhe për të kërkuar llogaridhënie.

Protestat shpërthyen të premten e kaluar pasi agjentët e ICE-s bastisën bizneset lokale dhe arrestuan qindra persona të dyshuar se jetonin ilegalisht në SHBA.

Administrata e presidentit të SHBA-së, Donald Trump, ka vazhduar të kryejë bastisje të tilla, pavarësisht protestave publike.

Protestat filluan në Los Angeles dhe u përhapën në shumë qytete në të gjithë SHBA-në.

Trump urdhëroi vendosjen e trupave në Los Angeles, pavarësisht kundërshtimeve nga zyrtarët vendas ndërsa në qendër të qytetit u shpall orë policore.