Rusia raporton sulme të shumta me dronë

Zyrtarët rusë sot raportuan se të enjten në mbrëmje janë kryer sulme të shumta me dronë në rajonet kufitare me Ukrainën, transmeton Anadolu.

Guvernatori i rajonit Kurskut të Rusisë, Roman Starovoit, në një deklaratë në Telegram tha se "disa dronë ukrainas u rrëzuan" pranë qendrës administrative të rajonit, qytetit Kurskut.

Starovoit u bëri thirrje qytetarëve të ruajnë qetësinë dhe të raportojnë çfarë do që gjejnë, ndonjë objekt të dyshimtë, përfshirë mjetet ajrore.

Guvernatori i rajonit Smolensk, Vasily Anokhin shkroi në Telegram se dy dronë me rreze të gjatë sulmuan objektet e infrastrukturës energjetike.

"Nuk ka viktima, dëme kritike apo zjarre", theksoi Anokhin.

Forcat e Armatosura të Ukrainës thuhet se kanë ndërmarrë një seri sulmesh në rajonet kufitare të Rusisë në muajt e fundit, veçanërisht në Bryansk dhe Belgorod, të cilat u goditën me dronë dhe artileri, sipas Moskës.