Rusi, rritet në 143 numri i viktimave nga sulmi terrorist në Moskë
Më herët, shërbimi për media i Komitetit Hetues të Rusisë tha kanë marrë 143 deklarata nga persona për zhdukjen e të afërmve ose të dashurve të tyre gjatë sulmit
Istanbul
Numri i të vdekurve nga sulmi i javës së kaluar në sallën e koncerteve në rajonin e Moskës në Rusi është rritur në 143, sipas Ministrisë së Situatave Emergjente të vendit, transmeton Anadolu.
Bazuar në të dhënat nga Ministria ruse e Shëndetësisë, Ministria e Situatave Emergjente tha se 143 persona janë listuar si të vdekur deri më tani.
"Lista do të rregullohet bazuar në të dhënat e kërkimit mjeko-ligjor", shtoi ministria.
Më herët, shërbimi për media i Komitetit Hetues të Rusisë i tha agjencisë shtetërore të lajmeve TASS se organi hetimor federal ka marrë 143 deklarata nga persona për zhdukjen e të afërmve ose të dashurve të tyre gjatë sulmit.
Të premten, persona të armatosur hapën zjarr në sallën e koncerteve Crocus në Krasnogorsk në rajonin e Moskës.
Komiteti Hetues ka thënë se ka arrestuar 11 persona, përfshirë katër autorë, në rajonin kufitar të Bryansk, të cilët ishin rrugës për në Ukrainë
Gjykata e Rrethit Basmanny të Moskës të dielën akuzoi katër autorët për terrorizëm dhe miratoi paraburgimin e tyre deri më 22 maj.
Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.