Përmbytje në Pakistan, 57 të vdekur

Të paktën 57 njerëz humbën jetën në Pakistan për shkak të përmbytjeve të shkaktuara nga shirat musone prej tri ditësh, transmeton Anadolu Agency (AA).

Agjencia Kombëtare e Menaxhimit të Fatkeqësive në Pakistan tha se për shkak të përmbytjeve, 19 persona humbën në shtetin Khaybar Pahtunhva në verilindje të vendit, 12 në Sindh, 8 në shtetin Punjab dhe 10 në rajonin Gilgit-Baltistan.

Ndërkaq, mediat lokale raportuan se të paktën 8 persona humbën jetën nga përmbytjet në provincën Baluchistan.

Shumë shtëpi u dëmtuan nga shirat e dendur në Sindh dhe Baluchistan.

Zyrtarët e meteorologjisë deklaruan se reshjet pritet të vazhdojnë këtë javë.

Në Azinë e Jugut, shirat musone që shfaqen në periudhën qershor-shtator, shkaktojnë fatkeqësi natyrore dhe aksidente në shkallë të gjerë çdo vit.