Protesta kundër Trumpit mbahen në Washington në Ditën e Punës

Anëtarë të më shumë se 20 organizatave joqeveritare, të mbështetur nga shumë qytetarë, janë tubuar në sheshin Freedom Plaza në Washington për të demonstruar kundër presidentit Donald Trump si pjesë e protestave më të gjera të 1 Majit, Ditës Ndërkombëtare të Punëtorëve, raporton Anadolu.

Protesta ishte një nga shumë protestat në mbarë SHBA-së, me pjesëmarrës që kërkonin të drejtat e emigrantëve dhe kushte më të mirë të punës.

Organizatorët në tubim theksuan rolin jetësor të emigrantëve në fuqinë punëtore të SHBA-së dhe bënë thirrje për mbrojtje më të fortë të fuqisë punëtore.

Në protestë gjithashtu u kundërshtuan politikat e Trumpit, i cili shpesh ka rënë ndesh me punonjësit federalë, veçanërisht për çështje të tilla si shkurtimi i vendeve të punës dhe ngrirja e pagave.

Protestat në Washington pasqyrojnë një lëvizje më të gjerë rezistence kundër asaj që shumë e perceptojnë si veprime autoritare dhe diskriminues nga administrata e presidentit Trump.