Policia e Parisit e gatshme për “protesta të reja të dhunshme”

PARIS (AA) - Duke marrë parasysh protestat e dhunshme gjatë pesë fundjavave të kaluara me radhë, Michel Delpuech, komandant i policisë së Parisit, tha se të shtunën në rrugët e kryeqytetit të Francës do të shpërndahen automjete të blinduara dhe mijëra policë, transmeton Anadolu Agency (AA).

Delpuech të premten për radio RTL tha se shërbimet e sigurisë planifikojnë që në Paris të vendosin po të njëjtat forca si fundjavën e kaluar, që është rreth 8.000 policë dhe 14 automjete të blinduara.

Ai theksoi se dallimi më i madh do të jetë shpërndarja e më shumë grupeve të zyrtarëve patrullues për të kapur vandalë që bredhin në rrugët dytësore rreth bulevardit Champs Elysees, që fundjavën e kaluar plaçkitën dhe shkaktuan dëm të madh.

Këtë javë humbi jetën pjesëtari i gjashtë i grupit të ashtuquajtur të demonstruesve “jelekët e verdhë”, të cilin e goditi një kamion në bllokim rruge.

Përskaj asaj se autoritetet bëjnë thirrje që të ndërpriten protestat, lëvizja “jelekët e verdhë” që protestojnë në mbarë Francën nuk tregojnë shenja dobësimi.