Pas urdhrit të Putinit avionët e Rusisë po përgatiten për kthim

MOSKË (AA) - Ministria e Mbrojtjes së Rusisë ka deklaruar se disa avionë të këtij vendi që ndodhen në bazën ajrore në Siri janë duke u përgatitur për kthim në vend, raporton Anadolu Agency (AA).

Në deklaratën e Ministrisë thuhet se momentalisht personeli i ushtrisë ruse tashmë është duke ngarkuar avionët e transportit dhe se përgatitjet për kthimin janë duke vazhduar.

Ndërkohë në deklaratë nuk jepen detaje për kohën se kur mund të ikin avionët e parë.

Presidenti rus, Vladimir Putin, ditën e djeshme kishte deklaruar se ka dhënë urdhër për tërheqjen e një pjese të madhe të trupave ruse nga Siria.