Në SHBA mbahet festivali i ngjyrave "Holi"

CHICAGO (AA) - Në Chicago të SHBA-ve mbahet "Holi Festival" i cili në Indi njihet si "festivali i ngjyrave", raporton Anadolu Agency (AA).

Me rastin e festivalit i cili në kulturën indiane simbolizon ardhjen e pranverës në kopshtin e tempullit Hindu të Chicago-s në rajonin Lemont u mbajt një aktivitet.

Aktiviteti, në të cilin krahas indianëve që jetojnë në SHBA morën pjesë amerikanë dhe turistë që vizitojnë qytetin, filloi me intonimin e himnit kombëtar indian.

Rreth një mijë njerëz për disa orë u argëtuan duke kërcyer nën shoqërimin e muzikës indiane dhe me veshjet me ngjyra që simbolizojnë ngjyrat e pranverës.

Edhe përfaqësuesit e mediave të cilët kanë treguar interes për festivalin nuk i kanë shpëtuar ngjyrosjes me bojë nga pjesëmarrësit në këtë aktivitet.