Një tërmet 5.5 ballë godet Perunë

Një tërmet me fuqi prej 5.5 ballë sipas Rihterit ka goditur shtetin e Amerikës Jugore, Perunë, transmeton Anadolu Agency (AA).

Qendra për sizmologji njoftoi se epiqendra e tërmetit është regjistruar në thellësi prej 93 kilometrave. Tërmeti u regjistrua 28 kilometra në juglindje të qytetit Arequipa, në jug të vendit.

Pas tërmetit nuk është lëshuar paralajmërim për cunami ndërsa nuk ka as informacione për viktima eventuale apo dëme materiale.

Peruja, një nga vendet me lëvizjet më të larta sizmike në botë, ndodhet në zonën sizmike të Paqësorit, e njohur gjithashtu si "Unaza e Zjarrit e Paqësorit".

Një tërmet me fuqi prej 7.9 ballë që goditi Perunë në gusht të vitit 2007 shkaktoi vdekjen e 595 personave.