"Netanyahu kërkoi forcimin e rojeve të djalit të tij në Miami"

Raportohet se kryeministri izraelit, Benjamin Netanyahu, ka kërkuar forcimin e truprojave të djalit të tij Yair Netanyahu, i cili jeton në Miami, nga shqetësimi se Irani do të hakmerret pas vrasjes së kryetarit të Byrosë Politike të Hamasit, Ismail Haniyeh, transmeton Anadolu.

Sipas faqes së lajmeve Walla, bazuar në burime të paidentifikuara pranë Netanyahut, sekretari privat i Netanyahut, Yossi Shelley, kohët e fundit aplikoi në Komitetin Këshillimor të Sigurisë Personale Shin Bet me një kërkesë për të shqyrtuar intensitetin e sigurisë rreth Yair.

I shqetësuar se reagimi i Iranit dhe agjentëve të tij ndaj vrasjes së Haniyeh në Teheran do të përqendrohej te figurat izraelite dhe objektivat e tyre jashtë vendit, Netanyahu kërkoi që të forcoheshin masat e sigurisë rreth djalit të tij Yair.

Komiteti Këshillëdhënës kërkoi gjetje të inteligjencës se nuk mund të mbështeten vetëm tek instinktet dhe se do të ishte e nevojshme forcimi i sigurisë.

Sipas Walla, kostoja vjetore e jetesës së Yair Netanyahu, 33-vjeç, i cili jeton në Miami nën mbrojtjen e Shërbimit të Sigurisë së Përgjithshme izraelite (Shin Bet) që nga prilli 2023, është 2,5 milionë shekelë (680 mijë dollarë).

Lideri i Hamasit, Haniyeh, u vra në Teheran më 31 korrik. Irani dhe Hamasi deklaruan se Izraeli qëndron pas vrasjes së Haniyeh.