Meksika regjistron rastin e parë të variantit Omicron
Ministria e Shëndetësisë bëri të ditur se pacienti është vendosur nën vëzhgim në një spital privat dhe se ka filluar periudhën e karantinës.
Bogota
Në Meksikë është identifikuar rasti i parë i variantit Omicron të koronavirusit (COVID-19), transmeton Anadolu Agency (AA).
Drejtoria e Përgjithshme e Epidemiologjisë të Ministrisë së Shëndetësisë njoftoi se tek një pacient 51-vjeçar me origjinë nga Afrika e Jugut që ka ardhur në vend më 21 nëntor, janë përcaktuar simptoma të Omicron.
Ministria e Shëndetësisë bëri të ditur se pacienti është vendosur nën vëzhgim në një spital privat dhe se ka filluar periudhën e karantinës.
Deri më sot në Meskinë për shkak të COVID-19 kanë humbur jetën 294.715 persona si dhe janë regjistruar gjithsej 3.894.364 raste.
Sipas faqes së internetit "Worldometers", ku përpilohen të dhënat e COVID-19, Meksika popullsia e së cilës tejkalon 126 milionë banorë, është në "vendin e 15-të në botë me numrin më të madh të rasteve".