Libia kritikon komentet e al-Sisit mbi sovranitetin e saj

Qeveria e Pajtimit Kombëtar e Libisë (GNA), e njohur nga Kombet e Bashkuara (OKB), ka kritikuar komentet e fundit mbi sovranitetin e saj të presidentit egjiptian, Abdel Fattah al-Sisi, transmeton Anadolu Agency (AA).

Al-Sisi akuzoi GNA-në se “nuk ka vullnet të lirë” dhe se është marrë “peng nga militantët terroristë”.

GNA tha se “kupton të drejtën e shtetit egjiptian për të arritur sigurinë e saj kombëtare, megjithatë nuk pranon asnjë kërcënim për sovranitetin kombëtar të Libisë”.

Më tej, GNA theksoi legjitimitetin e saj në kryerjen e punës së saj, pavarësinë e vendimeve dhe autoritetet e saj mbi të gjitha institucionet.

GNA i bëri thirrje Egjiptit të rishqyrtojë qëndrimin e saj për krizën libiane dhe të mbështesë stabilitetin dhe paqen civile në Libi, në vend që të mbështesë forcat besnike ndaj Khalifa Haftarit në lindje të Libisë.

Libia ka mbetur e rrethuar nga trazirat që nga viti 2011 kur një kryengritje e përgjakshme e mbështetur nga NATO-ja çoi në rrëzimin dhe vdekjen e presidentit Muammar Gaddafi pas më shumë se katër dekadave në pushtet.