Kryeministrja britanike Truss zhvillon bisedë telefonike me Bidenin

Kryeministrja e re e Britanisë së Madhe, Liz Truss në një bisedë telefonike me presidentin e SHBA-së, Joe Biden diskutoi për marrëdhëniet dypalëshe, luftën Rusi-Ukrainë dhe Marrëveshjen e Belfastit, transmeton Anadolu Agency (AA).

Një zëdhënës nga zyra e kryeministrisë "Number 10", në një deklaratë njoftoi se Biden uroi Truss për detyrën e saj të re.

Në deklaratë bëhet e ditur se Truss pret me padurim të punojë ngushtë me Bidenin për të kapërcyer vështirësitë e përbashkëta, kryesisht problemet e vështira ekonomike të shkaktuara nga lufta e presidentit rus Vladimir Putin.

Dy liderët iu referuan zhvillimit të lidhjeve, ku krahas NATO-s përfshirë edhe përparimin e aleancës së thellë të mbrojtjes nëpërmjet aleancës AUKUS të formuar nga SHBA, Britania dhe Australia.

"Liderët përmirësuan angazhimet e tyre për forcimin e lirisë globale, për luftën me kërcënimet që formojnë autokracitë dhe për të siguruar që Putin të dështojë në Ukrainë. Truss dhe Biden diskutuan një sërë çështjesh dhe ranë dakord për rëndësinë e ruajtjes së Marrëveshjes së Belfastit (Marrëveshja që i dha fund luftës mes separatistëve katolikë dhe protestantëve pro-unitetit me Britaninë)", thuhet në deklaratë.

- Liz Truss, u bë kryeministrja e re e Britanisë

Boris Johnson më 7 korrik njoftoi dorëheqjen nga udhëheqja e Partisë Konservatore në pushtet dhe se do të vazhdonte detyrën e kryeministrit deri në zgjedhjen e liderit të ri.

Më 5 shtator u njoftua rezultati i një votimi që anëtarët e Partisë Konservatore në pushtet zhvilluan pas dorëheqjes së Johnsonit. Truss mori 81.326 vota ndërsa rivali i saj Rishi Sunak 60.399 vota.

Në këtë mënyrë Truss e cila fitoi garën për udhëheqëse brenda partisë, në të njëjtën kohë fitoi edhe të drejtën për t'u bërë kryeministre e re e vendit.