Izraeli rrëzon 9 shtëpi palestineze në Bregun Perëndimor

Forcat izraelite kanë rrëzuar nëntë shtëpi palestineze në Bregun Perëndimor të pushtuar, raporton Anadolu Agency (AA).

Sipas dëshmitarëve okularë, buldozerët izraelitë rrafshuan tetë shtëpi në ndërtim në Al-Daouk pranë qytetit Jericho, si dhe një shtëpi në Farasin pranë qytetit Jenin.

Forcat izraelite për rrëzimin e shtëpive u arsyen se atyre u mungon leja e ndërtimit.

Vitin e kaluar, Izraeli lëshoi urdhra për rrëzimin e 18 shtëpive palestineze në Farasin, ku banojnë afër 200 palestinezë.

Rrëzimi i shtëpive nga Izraeli tërhoqi dënimin e menjëhershëm nga Ministria e Punëve të Jashtme e Palestineze, e cila këto veprime i quajti “përpjekje për të kontrolluar këto toka dhe për të imponuar sovranitetin izraelit mbi to”.

“Izraeli vazhdon të zbatojë skemën e tij të vendbanimeve në Bregun Perëndimor, përfshirë në Kudsin Lindor, që kërcënon opsionin e zgjidhjes me dy shtete”, tha ministria palestineze.

Sipas Marrëveshjes së Oslos, e nënshkruar në vitin 1995 midis Izraelit dhe Organizatës për Çlirimin e Palestinës (PLO), Bregu Perëndimor, përfshirë Kudsi Lindor, u nda në tre pjesë, Zona A, Zona B dhe Zona C.

Izraeli i ndalon palestinezët të kryejnë projekte ndërtimi në pjesë të Bregut Perëndimor të përcaktuar si Zona C, e cila bie nën kontrollin administrativ dhe të sigurisë nga Izraeli.

Zona C akutalisht është shtëpi e 300 mijë palestinezëve, shumica dërrmuese e të cilëve janë komunitete beduine dhe ato të bagëtive të cilët kryesisht jetojnë në tenda, karvane dhe shpella.