Bota

Irak, DEASH vret 12 civilë në Dijala

Gjatë sulmit gjithashtu janë plagosur 15 civilë kur terroristët hapën zjarr me snajper dhe mitralozë

Ekip  | 27.10.2021 - Përdıtësım : 27.10.2021
Irak, DEASH vret 12 civilë në Dijala

Bagdad

Të paktën 12 civilë u vranë në një sulm nga terroristët e DEASH-it të martën në provincën lindore të Irakut, Dijala, njoftoi një burim mjekësor, raporton Anadolu Agency (AA).

Burimi tha për AA se 15 të tjerë u plagosën.

Më herët të martën, një oficer policie tha për AA se një grup terroristësh të DEASH-it sulmuan fshatin Al-Rashad të Dijala-s me pushkë snajper dhe mitralozë.

Nëntogeri Shaalan al-Kameli tha se terroristët hapën zjarr ndaj banorëve të fshatit, duke shtuar se ata u arratisën pas mbërritjes së forcave ushtarake irakiane.

Në muajt e fundit, terroristët e DEASH-it kanë përshkallëzuar sulmet e tyre, veçanërisht në zonën midis Kirkukut, Salahuddinit dhe Dijala-s, i njohur si "Trekëndëshi i Vdekjes".

Në vitin 2017, Iraku shpalli fitoren ndaj DEASH-it duke rimarrë të gjitha territoret që grupi terrorist kontrollonte që nga vera e vitit 2014, rreth një të tretën e territorit të vendit.

Megjithatë, grupi ruan ende celulat e fshehta në zona të mëdha të Irakut duke ndërmarrë sulme të herë pas hershme.

Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
Tema relevante
Bu haberi paylaşın