Hezbollahu libanez "shënjestron" dy objekte ushtarake izraelite në Galile

Grupi Hezbollah i Libanit ka njoftuar se ka shënjestruar me raketa dhe predha dy objekte ushtarake izraelite në rajonin e Galilesë në Izraelin verior, transmeton Anadolu.

Grupi njoftoi se e mori veprimin si një “përgjigje fillestare” ndaj vrasjes së tre prej anëtarëve të tij.

“Dy kazermat u shënjestruan duke përdorur raketa dhe predha mortajash, duke rezultuar në goditje të drejtpërdrejta”, tha grupi Hezbollah.

Më herët, Hezbollahu tha se tre nga anëtarët e tij u vranë gjatë ditës në sulmet izraelite në Libanin jugor.

Ushtria izraelite, nga ana e saj, njoftoi vrasjen e “disa militantëve që kaluan kufirin nga Libani”.

Televizioni izraelit ‘Channel 12’ raportoi se “tre ushtarë izraelitë u plagosën në një përleshje” me persona të armatosur depërtuan në kufi.

Dje, Hezbollahu i Libanit riafirmoi mbështetjen e saj për rezistencën palestineze, duke theksuar se nuk është “neutrale” në luftimet e vazhdueshme midis Izraelit dhe Hamasit.