Derya Gülnaz Özcan
23 Shkurt 2023•Përditësim: 24 Shkurt 2023
Ministri grek i Mbrojtjes, Nikos Panagiotopoulos ka deklaruar se Greqia është e gatshme për dialogun e "Masave për rritjen e besimit me Türkiye-n", transmeton Anadolu.
Duke folur për televizionin shtetëror grek ERT, ministri Panagiotopoulos në pyetjen nëse është hyrë apo jo në një periudhë të re me Türkiye-n, ka dhënë përgjigjen se pas tërmeteve u krijua një atmosferë pozitive mes dy vendeve, por ka nevojë për një vazhdimësi për të thënë se "është hapur një faqe e re".
Panagiotopoulos theksoi se ambasadorit të Türkiye-s në prani të NATO-s që mori pjesë në Takimin e Ministrave të NATO-s në Bruksel i ka përcjellë ngushëllimet, ndërsa ai i ka thënë në përgjigje se "Miqtë e mirë duken në ditë të vështira".
"Greqia është gjithmonë e gatshme për dialog me Türkiye-n. Greqia është gjithmonë gati për të biseduar, nëse përcaktohet një datë për dialogun e 'Masave për rritjen e besimit' për të cilin mund të presim një datë të afërt", tha Panagiotopoulos.
Kalendari për F-35
Ministri Panagiotopoulos bëri të ditur se ndaj SHBA-së kanë bërë aplikimin e nevojshëm për blerjen e F-35 dhe se përgjigjen e presin në pranverë.
"Duhet të qartësohen disa detaje", tha Panagiotopoulos i cili shtoi se pas përgjigjes që pritet në muajt prill-maj do të fillojnë bisedimet për kushtet teknike dhe të veçanta.
Ai thekson se dorëzimi i avionëve F-35 ndaj Greqisë mund të vonojë për shkak se janë mjete të gjeneratës së 5-të. Ministri grek tha se për avionët duhet të përshtatet infrastruktura në bazat e Forcave Ajrore. Panagiotopoulos parashikoi vitin 2028 si periudhë kur do të bëhet dorëzimi i parë i avionëve.
"Opsioni i ofertuesve për kantierin detar do të jetë efektiv në vendimin lidhur me korvetat që Greqia planifikon të blejë", potencoi Panagiotopoulos i cili shto se duan që këto anije të prodhohen në Greqi.
Sistemi S-300 për Ukrainën
Duke rikujtuar se për Greqinë ka një kërkesë lidhur me dërgimin e S-300 në Ukrainë, Panagiotopoulos shtoi se për të mos dobësuar sistemin e saj të mbrojtjes Greqia aktualisht nuk është pro këtij propozimi.
