Si pjesë e marrëveshjes së nënshkruar midis qeverisë siriane dhe organizatës terroriste YPG, forcat e sigurisë hynë në qendër të qytezës Qamishli në verilindje të Sirisë, transmeton Anadolu.

Një autokolonë e forcave të sigurisë të lidhura me Ministrinë e Brendshme Siriane hyri në Qamishli, një qytezë e provincës Hasakah nën pushtimin e YPG-së.

Autokolona e përbërë nga afërsisht 20 automjete ushtarake dhe 100 personel sigurie, u prit me festime të gëzueshme nga popullsia lokale.

Dje, forcat e sigurisë të lidhura me qeverinë siriane hynë në qendër të qytetit të Hasakah dhe në fshatin Shuyuk në qytezën Ayn al-Arab të Halepit.