Hakan Çopur
02 Maj 2024•Përditësim: 03 Maj 2024
Për projektligjin e luftën kundër antisemitizmit që u miratua në Dhomën e Përfaqësuesve të SHBA-së teksa bën të mundur shtypjen e protestave pro Palestinës në kampuse me arsyetimin se ato janë "antisemitike", mbrohet ideja se kufizohet liria e shprehjes për ata që kundërshtojnë projektligjin, transmeton Anadolu.
Projektligji i titulluar "Akti i ndërgjegjësimit kundër antisemitizmit", i cili u miratua me 320 vota pro dhe 91 vota kundër në Asamblenë e Përgjithshme të Dhomës së Përfaqësuesve, vendos theksin mbi temat e cilësuara si antisemitizëm në të gjithë vendin.
Kryetari i Dhomës së Përfaqësuesve, republikani Mike Johnson, i cili kontribuoi gjerësisht në miratimin e projektligjit, në deklaratën e tij ka mbrojtur idenë se protestat në mbështetje të Palestinës që vazhdojnë nëpër kampuse, i shërbejnë valës së "antisemitizmit" dhe rrisin antisemitizmin.
Projektligji në fjalë kërkon që Departamenti i Arsimit të marrë për bazë përkufizimin e antisemitizmit të miratuar nga Shoqata Ndërkombëtare e Përkujtimit të Holokaustit dhe të përcaktojë ngjarjet në universitete në përputhje me këtë.
Matt Gaetz dhe disa ligjvënës të tjerë që kritikuan projektligjin, mbrojnë idenë se përkufizimi i antisemitizmit në fjalë është shumë i gjerë dhe se do të ngushtojë lehtësisht fushën e lirisë së shprehjes.
Projektligji që u dërgua në Senat dhe i cili do të shkojë në tryezën e presidentit amerikan Joe Biden, nëse miratohet, thuhet se do të rrisë edhe më shumë debatet për të drejtën e lirisë së shprehjes dhe protestës në vend.
Johnson javën e kaluar vizitoi Universitetin e Kolumbisë (Columbia) dhe mbrojti idenë se ngjarjet në kampuse ishin "antisemitike" dhe se administratat e universiteteve "duhet të bëjnë atë që është e nevojshme për të hequr kampet e tendave".
