Bota

Borrell dhe Blinken diskutojnë mbi zhvillimet e fundit në Ukrainë

"Borrell dhe Blinken diskutuan për lëvizjen ushtarake të Rusisë në kufirin e Ukrainës dhe në Krime dhe se kanë shprehur shqetësimin e thellë nga grumbullimi ushtarak në rritje i forcave ruse në javët e fundit"

Ömer Tuğrul Çam   | 14.04.2021
Borrell dhe Blinken diskutojnë mbi zhvillimet e fundit në Ukrainë Foto: Alexander Ermochenko/AA

Bruksel

Përfaqësuesi i Lartë i Bashkimit Evropian (BE) për Punët e Jashtme dhe Politikën e Sigurisë, Josep Borrell dhe sekretari amerikan i Shtetit, Antony Blinken, diskutuan zhvillimet e fundit në Ukrainë, transmeton Anadolu Agency (AA).

Në një deklaratë nga zyra e përfaqësuesit të BE-së thuhet se Borrell dhe Blinken diskutuan për lëvizjen ushtarake të Rusisë në kufirin e Ukrainës dhe në Krime dhe se kanë shprehur shqetësimin e thellë nga grumbullimi ushtarak në rritje i forcave ruse në javët e fundit.

Gjithashtu Borrell dhe Blinken kanë rënë dakord për të punuar së bashku për sigurimin e stabilitetit në Afganistan, si dhe kanë shkëmbyer pikëpamjet lidhur me krizën që vazhdon në Etiopi.

Ndër të tjera Borrell dhe Blinken diskutuan edhe për situatën e fundit në bisedimet e kryera rreth marrëveshjes bërthamore mes Iranit dhe fuqive perëndimore.

Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
Tema relevante
Bu haberi paylaşın