Ata Ufuk Şeker
10 Gusht 2022•Përditësim: 11 Gusht 2022
Sot ka hyrë në fuqi vendimi i Bashkimit Evropian (BE) për ndalesë të importit të qymyrit nga Rusia, raporton Anadolu Agency (AA).
Me përfundimin e periudhës së tranzicionit, ka hyrë në fuqi pakoja e sanksioneve e miratuar nga vendet e BE-së në prill, e cila përfshin ndalimin e importit të qymyrit nga Rusia.
Kështu, ndalohet blerja, importi ose transferimi në BE i qymyrit dhe lëndëve djegëse të tjera të ngurta fosile me origjinë ose të eksportuara nga Rusia, me vlerë 8 miliardë euro në vit.
E para nga sanksionet energjetike të BE-së kundër Rusisë ishte ndalimi i blerjes së qymyrit. Ndalimi i importit të naftës nga Rusia pritet të hyjë në fuqi në dhjetor.
Rusia është vendi që eksportonte më së shumti qymyr në vendet e BE-së, rreth 25 për qind të eksportit të saj e ka bërë në Evropë.
Nga ana tjetër, vendet e BE-së 45 për qind të importeve totale të qymyrit dhe 70 për qind të qymyrit termik që përdoret në prodhimin e energjisë elektrike bëhet nga Rusia.
Sipas të dhënave të Ministrisë ruse të Energjisë, Rusia i shiti BE-së 48.7 milionë tonë qymyr në vitin 2021.
