Arrihet marrëveshje për buxhetin e BE-së për vitin 2017

ANKARA (AA) – Parlamenti Evropian ka arritur të enjten një marrëveshje mbi buxhetin e BE-së për vitin 2017, i cili në total kap shifrat prej 157.88 miliardë euro, raporton Anadolu Agency (AA).

Në dy kumtesa të ndara që janë publikuar sot nga Parlamenti Evropian dhe nga Këshilli i Evropës, thuhet se BE do të sigurojë përkrahje substanciale për të nxitur rritjen ekonomike dhe krijimin e vendeve të reja të punës, veçanërisht për të rinjtë e papunë, duke ndarë 21.3 miliardë euro, respektivisht 12 përqind nga buxheti i vitit 2017.

"Me një theks të veçantë në programet e orientuara për rritje dhe me të hollat shtesë për nismat 'Erasmus' dhe 'Nisma për punësimin e të rinjve', Parlamenti ka vendosur të investojë në të ardhmen. Kjo është ajo për të cilën Evropa ka nevojë tani”, thuhet në njoftimin e publikuar nga Jean Arthuis, kryetar i Komitetit për Buxhetet.