Yaşar Tonbak
11 Февруари 2021•Ажурирај: 15 Февруари 2021
АНКАРА (АА) – Јапонецот Хирохиса Тожима, кој ја започна светската турнеја со својот велосипед, стигна во областа Бејпазари, во Анкара, јавува Агенција Анадолија (АА).
Триесет и двегодишниот Тожима истакна дека од ноември 2020 година се наоѓа во Турција и дека поминал низ многу места.
Наведувајќи дека покрај Истанбул, ги посетил Адана, Невшехир-Ургуп и многу други места, Тожима рече:
„Вчера со мојот велосипед тргнав од Анкара и стигнав во Бејпазари. Тука останав една ноќ. Посетив историски места, ридот Хидирлик и други места. Многу ми се допадна Бејпазари. Зафер Појраз од општината и други туристички водичи ме прошетаа низ Бејпазари. Тоа беше многу убаво.“
Наведувајќи дека е фотограф по професија, Тожима рече:
„Ги фотографирам сите места каде што одам. Студирав економија. Ја сакам фотографијата и сакам да ги видам убавините на светот. Затоа ја започнав мојата турнеја со велосипед. Секаде каде што бев, турскиот народ беше многу гостопримлив. Благодарност до Турција и до Бејпазари. Во Бејпазари направив многу добри фотографии. Кога ќе се вратам назад, на сите во мојата земја ќе раскажам за оваа убавина.“
