Уште едно семејство се придружи на протестите против ПКК во Турција

ДИЈАРБАКИР

Уште едно семејство се придружи на протестите што се одвиваат против терористичката организација ПКК/ЈПД во југоисточна Турција, при што родителите повикуваат на враќање на нивните деца над 500 дена по ред, јавува Агенција Анадолија (АА).

Протестите пред седиштето на Народната демократска партија (ХДП), која властите ја обвинуваат дека е поврзана со терористичката организација ЈПГ/ПКК, започнаа на 3 септември 2019 година, кога три мајки изнесоа тврдење дека нивните деца биле принудно регрутирани од страна на терористичката организација. Оттогаш бројот на родители што протестираат продолжува да расте.

На протестите се придружи уште една мајка по име Пинар Бичер, која сака повторно да се сретне со нејзиното дете кое е регрутирано.

Таа изјави дека нејзината ќерка Ѓулхан имала 18 години кога била киднапирана во јужната област Адана пред шест години.

Таа рече дека на телевизија видела како другите семејства протестираат и се одлучила да се придружи.

„Сакам мојата ќерка да се врати од ХДП. Нема да заминам оттука додека таа не се врати“, изјави таа.

Таткото на Ѓулхан, Неџметин Бичер, за новинарите исто така изјави дека едно утро кога се разбудиле пред шест години не ја нашле нивната ќерка во нејзината соба и дека оттогаш не се слушнале со неа.

Таткото ја повика неговата ќерка да се предаде. „Ќерко моја, те молам, врати се и предај се на безбедносните сили. Безбедносните сили на нашата влада ќе те пречекаат топло. Сакам мојата ќерка да се врати од ХДП. ХДП мора да ги врати нашите деца, на начин на кој исто така ни ги зеде“, изјави тој.

ПКК е сепаратистичка организација којашто се наоѓа на списокот терористички организации во Турција, Европската Унија и во САД. За време на тридецениската терористичка кампања против Турција, терористите на ПКК убија најмалку 40.000 луѓе.