Турција: Затворски казни за пучистите на ФЕТО кои се обидоа да ја заземат Управата за разузнавачки работи

АНКАРА

Во Турција се донесени пресуди за 17 осомничени во предметот против пучистите на терористичката организација ФЕТО, кои се обвинуваат дека во текот на обидот за државен удар на 15 јули 2016 година настојувале да ја заземат Управата за разузнавачки работи и да оневозможат одвивање на разузнавачките активности во Турција, јавува Агенција Анадолија (АА).

Рочиштата во 22. Казнен суд во Анкара присуствуваа обвинетите и нивните адвокати.

Претседателот на Судот Бахтијар Чолак по изнесување на завршните зборови и одбраната, ги изрече пресудите во овој предмет.

На доживотна казна поради обид за „рушење на уставниот поредок", осудени се поранешниот експерт во кабинетот на премиерот Мустафа Коџајигит и пораешен вработен во Управата за разузнавачки работи Булент Ѓунај, кои се обвинуваат дека биле меѓу корисниците на профилот „Фуат Авни".

Обвинетите покрај тоа, за „објавување на доверливи информации со цел шпиунажа", осудени се на по 25 години затвор.

Обвинетиот Хасим Туркерпоради помошта во текот на „обидот за кршење на уставниот поредок", осуден е на 16,5 години затвор, додека поранешниот шеф на полицијата Акиф Ѓунгор, поранешните инжинери Нусрет Сехмуш Мунган, Ахмет Озкан Озалп, Мухамет Серхат Ал, Хамди Оздере и Хасан Демир осудени се на по 13 години и четири месеци затвор.

Поради членство во оружена терористичка организаија" Ејуп Лисе осуден е на 10,5 години затвор, а Гази Топал, Мурат Ахметоглу, Решат Арикан, Абдулах Онер на осум години месец и 15 дена, додека Мухамет Орак, Назми Мерт и Јусуф Зија Сари осудени се на по 7,5 години затвор.

Во обвинението се наведува дека обвинетите во текот на обидот за државен удар трагале за вооружување и дека биле во контакт со Мехмет Партигоч, член на таканаречениот совет за мир во државата, кој е член на водечката структура на пучот. Се обвинуваат и дека поради остварување на целта на пучот настојувале да ги онеспособат сите разузнавачки служби во Турција и да ја заземат Управата за разузнавачки работи.

Обвинетите се обвинуваат дека по наредба на водачот на терористичката организација ФЕТО, Фетула Ѓулен, влегле во Управата за разузнавачки работи и пристапиле кон тајни информации и ги проследиле на повисоки структури на ФЕТО.

Терористичката организација ФЕТО е одговорна за крвавиот обид за пуч во Турција, ноќта на 15 јули, 2016 година.

Станува збор за терористичка организација предводена од Фетула Ѓулен, кој живее во Соединетите Американски Држави (САД), и чија екстрадиција Турција официјално ја побара од САД.

Припадниците на терористичката организација, со години, преку местење испити напредуваа во службата, инфилтрирајќи се на тој начин во институциите на државата. Потоа, најпрвин во декември 2013 година, членовите на ФЕТО во правосудството на Турција со монтиран процес за наводна корупција се обидоа да процесуираат бројни високи функционери.

Неколку години подоцна следуваше и неуспешниот крвав обид за државен удар на терористите на ФЕТО, односно обид за пуч, што го изведоа офицерите кои ФЕТО ги инфилтрираше во турската војска.

Истрагата во врска со терористичката организација ФЕТО покажа дека се работи за глобална мрежа која не претставува опасност само за Турција, туку и за секоја друга земја во која е активна. На тоа во повеќе наврати укажуваа турските функционери. Во текот на обидот за државен удар во Турција загинаа 251, а ранети беа околу 2.200 лица.