Успешна акција на МИТ во северен Ирак: Неутрализиран високорангираниот терорист на ПКК, Јунус Демир

АНКАРА (АА) - Разузнавачката служба на Туркије (МИТ) во северен Ирак го неутрализираше Јунус Демир, таканаречен член на советот на терористичката организација ПКК/ХПГ, кој се наоѓаше на црвената листа на барани лица поради тероризам, пренесува Анадолу.

Јунус Демир, терорист со кодно име „Сиван Гевер“, член на таканаречениот совет на терористичката организација ПКК/ХПГ, кого т.н. највисоко раководство на терористичката организација посебно го назначило да се спротивстави на операцијата „Канџа-катанец“, беше на листата на барани терористи и по него беше распишана црвена потерница од страна на Интерпол.

Терористот Демир, за кого е утврдено дека ја обучувал терористичката група која ќе ги напаѓа единиците на Вооружените сили на Туркије во зоната на операцијата „Канџа-катанец“, беше лично одговорен и за планирањето и раководењето со акциите против турските безбедносни сили во Ирак.

Како резултат на долгогодишната работа на своите специјално обучени агенти на теренот, МИТ утврди дека терористот Демир се наоѓал во ирачкиот регион Гара.

Терористот Демир, како и терористите со него, за кои е утврдено дека ги контролираат завршните подготовки на терористите што ќе извршат акција против турските војници во регионот, неутрализирани се на самото место со успешна операција на МИТ.

ПКК е сепаратистичка организација која се наоѓа на листата на терористички групи во Туркије, Европската Унија и САД. Во текот на повеќедецениската терористичка кампања против Туркије, терористите на ПКК убија најмалку 40.000 луѓе.