Турција: Уапсен озлогласениот терорист на ДЕАШ кој го уби својот брат

КАЈСЕРИ (АА) - Озлогласениот припадник на терористичката организација ДЕАШ, Ирачанецот Абдулхалек Абдулкадер Али беше уапсен во турскиот град Кајсери, јавува Anadolu Agency (AA).

Станува збор за терористот чие видео кружеше на социјалните мрежи, а во него се гледа како тој го ликвидира својот брат кој беше противник на ДЕАШ.

Од турската полиција соопштија дека акцијата е извршена во турскиот град Кајсери, по дојавата дека ирачкиот терорист влегол на територијата на Турција и се наоѓа во овој град.

Покрај Али, полицијата во Кајсери уапси најмалку три лица поврзани со терористичка организација ДЕАШ.

Уапсените се префрлени во полициската зграда, каде што во тек е криминалистичка истрага.