Büşra Nur Bilgiç
04 Октомври 2019•Ажурирај: 06 Октомври 2019
ИСТАНБУЛ (АА) - Истанбулскиот суд денеска го ослободи поранешниот пратеник на турската опозициска Народна демократска партија (HDP), јавува Anadolu Agency (AA).
Сири Суреја Ондер беше осуден на три години и шест месеци затвор, поради ширење на терористичка пропаганда во декември минатата година.
Во негово присуство, Уставниот суд вчера донесе одлука дека неговото право на слободен говор било нарушено.
Како резултат на тоа, 26. Казнена комора на истанбулскиот Регионален суд повторно го разгледа случајот и издаде наредба за ослободување, вели извор, кој зборуваше под услов да остане анонимен.
Судот исто така нареди повторно судење.
Околу десетина пратеници на ХДП во моментов се наоѓаат во затвор во очекување на судењето за кривични дела поврзани со тероризам, откако им беше укинат пратеничкиот имунитет во мај 2016 година.
Турската Влада ја обвинува ХДП за поврзаност со терористичката организација ПКК.
Во својата над 30-годишна терористичка кампања против Турција, ПКК, којашто се наоѓа на листата терористички организации на Турција, САД и ЕУ, одговорна е за смртта на околу 40.000 луѓе, меѓу кои и голем број деца и жени.
