Турција: Налог за приведување на 51 лице од локалната администрација во рамките на истрагата за ФЕТО

АНКАРА (АА) - Во рамките на истрагата за структурата на терористичката организација на Фетула Ѓулен (ФЕТО) во локалната администрација, Републичкото јавно обвинителство во Анкара донесе одлука за приведување на 37 поранешни високи државни службеници (гувернери и управители) и 14 т.н. „тајни имами“, јавува Агенција Анадолија (АА).

Според соопштението што го даде Републичкото обвинителство, утврдено е дека во рамките на истрагата спроведена за структурата на ФЕТО во локалната администрација, осомничените поранешни високи државни службеници комуницирале со тајни имами на организацијата преку фиксни линии.

Врз основа на истрагите што се спроведени до денеска, според кои постојат изјави дека се членови на ФЕТО, во 22 турски области издадени се налози за приведување на 51 осомничен, од кои 37 поранешни високи државни службеници и 14 „тајни имами“ на организацијата.

Активностите за приведување на осомничените ги спроведуваат екипите на Одделот за антифинансиски криминал при полицијата во Анкара.