Телото на турско-американската активистка Ејги, застрелана од израелските војници, пристигна во Туркије

ИСТАНБУЛ (АА) - Телото на Ајшенур Езги Ејги, турско-американската активистка убиена од израелските војници на окупираниот Западен Брег минатата недела, денес преку Азербејџан пристигна во Истанбул, јавува Анадолу.

Авион на „Туркиш ерлајнс“ го донесе телото на Ејги на аеродромот во Истанбул, каде што се одржа церемонија.

На настанот присуствуваа амбасадорката Ајше Созен Услуер, претставник на турското Министерство за надворешни работи и други турски претставници.

Нејзиното тело, покриено со турско знаме, го прими воен одред на аеродромот.

По церемонијата, телото на Ејги беше однесено во Измир, за погреб во Ајдин, Југозападна Туркије.

Ејги (26) беше убиена на 6 септември за време на мирен протест против илегалните еврејски населби во близина на Наблус.

Турските дипломатски претставништва во Тел Авив и Ерусалим (Кудс) го координираа трансферот на телото на Ејги од Тел Авив во Баку, а потоа за Туркије.

Туркије, исто така, вчера започна истрага за убиството во рамките на домашниот законик.