Турски МИТ неутрализира висок терорист на ПКК во Северен Ирак

АНКАРА (АА) - Турската Национална разузнавачка агенција (МИТ) неутрализира висок терорист на ПКК/КЏК во Северен Ирак, соопштија денес безбедносни извори, јавува Анадолу.

Азад Акинџи, со кодно име Адил Мардин, одговорен за активностите на терористичката организација во кампот Махмур, беше неутрализиран во операција спроведена во Махмур, Северен Ирак.

Терористот беше баран од МИТ со црвена потерница.

Одреден период Акинџи беше затворен во Туркије под обвинение за активности и пропаганда во име на терористичката организација.

Во својата над 40-годишна терористичка кампања против Туркије, ПКК, која е ставена на листата на терористички организации од страна на Туркије, САД и ЕУ, е одговорна за смртта на над 40.000 луѓе.

Терористичката ПКК е позната по тоа што го користи Северен Ирак, во близина на турската граница, како засолниште за планирање терористички напади во Туркије.