Неутрализиран т.н. регионален водач на терористичката организација ПКК/ЈПГ во северниот дел на Сирија

АНКАРА (АА) – Во акција на Турската разузнавачка служба (МИТ) спроведена во Камишли, во северниот дел на Сирија, е неутрализиран Мухсин Јаган, регионалниот водач на терористичката организација ПКК/ЈПГ за Камишли, со кодно име „Дијвар Силопи“, известува Агенција Анадолија (АА).

Безбедносни извори соопштија дека Јаган, кој планирал и извршил неколку терористички акти против турските безбедносни сили на границата, бил откриен во Камишли.

МИТ потоа презеде акција и го неутрализираше Јаган.

Терористот Јаган се приклучи на терористичката организација ПКК во 1990-тите. Тој бил вклучен во терористички активности на периферијата на Ширнак, во Туркије, по што се преселил во области во Ирак и Иран.

Конечно, по директива на терористичкиот водач Мурат Карајилан, тој беше испратен во Камишли, Сирија во 2020 година, каде што ги водел активности за таа област.

МИТ ги интензивираше активностите насочени против терористичките лидери. Во акција спроведена на 6 август во Камишли беше неутрализиран Иранецот Јусиф Мехмуд Ребани со кодно име „Резан Чавит“, кој беше задолжен за областа Амуда-Дербесије.