ДИЈАРБАКИР/КАРАБУК (АА) – Во Република Туркије денеска се одржуваат локални избори, а граѓанската должност ја исполнија и највисокиот маж на светот Султан Косен и највисоката жена на светот Румејса Гелги, јавува Анадолу.
На избирачкото место во неговиот роден Мардин, 2,52 метри високиот Султан Косен, кој е познат како највисокиот човек на светот, гласаше утринава.
Косен влезе во Гинисовата книга на рекорди како највисок човек на светот во 2009 година, а познат е и како човек со најдолга шака (27,5 сантиметри) и најдолго стапало (36,5 сантиметри).
На изборите во Туркије гласаше и највисоката жена во светот, 2,15 метри високата Румејса Гелги.
Оваа 27-годишна девојка од Гинисовата книга на рекорди гласаше во родниот Карабук.
Гелги боледува од Виверов синдром и гласаше од својот дом откако ја посети мобилниот тим.
