Firdevs Yüksel
09 Август 2021•Ажурирај: 10 Август 2021
АНКАРА
Осумнаесеттата обука за воено новинарство, што Агенција Анадолија (АА) ја организира заедно со турската Полициска академија и Турската агенција за соработка и координација (ТИКА), започна денес, јавува Агенција Анадолија (АА).
За време на обуката, 22 новинари од Азербејџан ќе бидат обучени како да преживеат во кризи и воени конфликтни зони додека известуваат во итни ситуации.
Учесниците на обуката, која трае 12 дена, следат настава што трае вкупно 108 часа, при што во рамките на теорискиот дел, учесниците имаат настава по известување, лична безбедност, воено право, прва помош, напредни техники на возење, преживување во вода, заштита од хемиски и биолошки напади и однесување во вонредни ситуации.
Лекциите ќе ги одржуваат стручни академици и професионален персонал за безбедност, а вистинска муниција ќе се користи за време на програмата, така што известувачите ќе учат преку автентични искуства.
Оние кои успешно ќе ја завршат програмата ќе бидат наградени со меѓународно признати сертификати.
Од 2012 година, вкупно 327 новинари, од кои 118 странски новинари, присуствуваа на обуката за воено новинарство.
