Демонстрантите на протестите против ПКК во југоисточна Турција ги повикaa сопствените деца да се предадат

ДИЈАРБАКИР

Семејствата на лицата што беа киднапирани од страна на терористичката организација ПКК, денес продолжија со протестите во турската североисточна област Дијарбакир, во надеж дека повторно ќе се сретнат и ќе ги гушнат своите деца, јавува Агенција Анадолија (АА).

Семејствата протестираат 707 денови по ред од 3 септември 2019 година, охрабрувајќи ги нивните деца да го положат оружјето и да се предадат на властите.

Протестите пред канцеларијата на опозициската Народна демократска партија (ХДП) во Дијарбакир започнаа со три мајки кои рекоа дека нивните деца биле насилно регрутирани од терористите. Семејствата ја обвинуваат ХДП дека одиграла улога во исчезнувањето на нивните деца.

Мевлуде Уџдаг, една од демонстрантите, рече дека нема да го напушти местото без да го врати синот.

„Тоа е голема болка. Нека Бог не тестира никого со неговите деца“, рече таа. „ХДП го измами моето дете, го предаде на ПКК.“

„Сине, предај се на нашите безбедносни сили. Со нетрпение очекувам да те вратам“, рече таа, додавајќи дека протестирала во последните две години.

Омер Токај, татко кој протестираше, рече дека копнее по своето дете и го повика да го положи оружјето и да им се предаде на безбедносните единици на Турција.

Лицата поврзани со терористичките организации кои се предаваат имаат право на намалување на казната според законот за покајание.

ПКК е сепаратистичка организација што се наоѓа на списокот терористички организации во Турција, Европската Унија и во САД. За време на тридецениската терористичка кампања против Турција, терористите на ПКК убија најмалку 40.000 луѓе.