Тројца загинати, четворица повредени во пожар во трговски центар во Башкортостан, Русија

Три лица загинаа, а четири се повредени во пожар во трговски центар во Стерлитамак, во руската Република Башкортостан, објави државната новинска агенција ТАСС, повикувајќи се на властите, пренесува Анадолу.

Министерството за вонредни ситуации соопшти дека пожарникарите евакуирале 17 лица, меѓу кои и едно дете, откако избил пожар на вториот кат во четирикатната зграда.

Припадниците на Министерството ги организирале евакуацијата и спасувањето, додека службите за итни случаи работеле на местото на настанот на локализирање и гаснење на пожарот.