АНКАРА (АА) - Турската Полициска академија обезбедува напредна обука за 800 сириски полицајци кои ќе ги извршуваат своите должности во северозападниот сириски град Африн, јавува Anadolu Agency (AA).
Академијата и припадниците на специјалните сили ги обучуваат кандидатите за полициските регулативи, општа дисциплина и оперативна обука, како што се уништување на импровизирани експлозивни направи.
Тие, исто така, добиваат обука за интервенции во инциденти и при урбано војување.
Обуката започна на 18 мај во Турција, а ќе заврши на 8 јуни.
По 21-дневната обука, обучените припадници ќе ги преземат своите безбедносни обврски во Африн, кој претходно оваа година беше ослободен од страна на Турската армија и Слободната сириска војска од ПКК/ПЈД-ЈГП и терористичката организација ДЕАШ.
На 25 мај, вкупно 620 сириски полицајци дипломираа на турската Полициска академија и подоцна беа распоредени во Африн.
Локалните жители се враќаат во своите домови во Африн, како резултат на обезбедувањето сигурна средина за живеење во рамките на операцијата „Маслинова гранка“, предводена од турските сили.
