Во Истанбул фатени 11 терористи на ДЕАШ

ИСТАНБУЛ (АА) - Единаесет лица се фатени во Истанбул поради наводите дека се поврзани со терористичката организација ДЕАШ, велат безбедносни извори, јавува Агенција Анадолија (АА).

„Операцијата е спроведена истовремено во седум подрачја на градот, при што безбедносниот персонал изврши рација на 15 локации и фати 11 осомничени лица, вклучувајќи странски државјани“, велат изворите, кои зборуваа под услов на анонимност.

Голем број на документи заедно со дигитални материјали се исто така запленети од страна на турските безбедносни единици.

Во 2013 година Турција беше една од првите земји што ја прогласи ДЕАШ за терористичка организација.

Оттогаш земјата повеќепати беше цел на напади на терористичката организација, во кои животот го изгубија над 300 лица, а стотици беа повредени и тоа во најмалку 10 самоубиствени бомбашки напади, седум бомбашки напади и четири вооружени напади.